Saturday, January 28, 2012

ZIS Panmunlen 2012 Kitel Thak

Dear Zomi U leh Nau,

A masa in haksatna, gimna tawlna leh buaina tampi kawmkal lak panin kum khat tawngtung Zomi Innkuan hong kem, matutna hongpia ih biak Topa min ih phat ma sa hi. Nung nipi Dec 15,2012(Nipi ni) in ZIS in Kumcin Khawmpi leh 2012 panmun thak kitelna nuam tak-in kinei thei hi. “Kumkhat ih cihpen Hun naktawm hi ven, bang mah kisemman nai hiau lo” cin sepsa maban tampite phung hiau lo in Topa tung thupha tampi ah ngen behbeh lai zong ih om tham hi. Lungdam haui lua hi. Topa minthang semsem ta hen.

ZIS Choir leh DVD

ZOMI INNKUAN SINGAPORE 2011 KUMCIN REPORT
CHOIR SINNA LEH ZIS DVD ADING LAKHUMNA TE ZAHSAKNA

1) Choir Sinna
Sani ni simin Pasian Phatna Choir sinna Pa Hang Khan Lian te inn bulphuh-in kinei thei den hi.

2) ZIS DVD Lakhumna
2010 kumcin a thukhensat khat ahi ZIS Choir te khum ding vaihawmna khempeuh Topa’n hong gualzawhpih a, tu-in lakhumna kizo ta-in Mix Down leh Master bawlsak dingin Kawlgam ah 14 Jan 2012 ni-in kikhak khin ta hi. DVD ading Video zong a kizaihzaih laitak hi.

Global Zomi Alliance

GLOBAL ZOMI ALLIANCE

August 7, 2011

I. Kipawlna Min:
Hih kipawlna min in “Global Zomi Alliance” kici ding hi.

II. Kipawlna Huam:
Hih kipawlna in leitungbup a om Zomi khempeuh a huam ahi hi.

Dr JM Paupu Singapore ah

Global Zomi Alliance (GZA) Central Committee member khat a hi, Dr JM Ngul Khan Pau Singapore hong pai in Zomi Innkuan (Singapore) tawh a nuai a bang in hunnuam hong zang ding hi.